Mandelflarn

Mandelflarn

Ei koselig dame frå Stryn sende meg denne oppskrifta, som eg lovde å teste ut og dele med andre her:

Eg bytte ut mjølk med kremfløyte, elles følgde eg oppskrifta til punkt og prikke.

Så utrulig enkle og kjappe å lage, og så himlandes gode! <3

Oppskrift:

200 g meierismør

200 g hakka mandlar

200 g rårørsukker

4 ss kveitemjøl

4 ss kremfløyte

~~~~

1) Bland alt i ei tjukkbotna stålgryte, og smelt over svak varme. 

2) La massa såvidt småkoke eitpar minutt, trekk deretter kjelen frå varmen.

3) Ikkje prøv å smake på kokvarm flarnmasse - det er brennhett! :-O

4) Sett på bakebrett med 2 teskeier, ikkje meir enn 6 kaker på kvart brett pga dei flytter veldig utover under steiking.

5) Ikkje få fingrane borti steikande kaker - det òg er brennhett! Om det mot formodning skjer likevel: splitt eit aloe-blad og legg på der du/eg har brent deg/meg.

6) Steikast ved 160 grader C i ca 10 minutt, inntil gyldenbrune.