Universalvaskemiddel - slik lagar du det sjøl

Reint og effektivt reingjeringsmiddel

Heimelaga og effektivt vaskemiddel.
Du MÅ ikkje sile av sitronskrellet; denne flaska er over eit år gammal.

Vaskemiddel frå butikken inneheld mengder av skadelege kjemikalier. Problema desse medfører er ikkje berre dei du direkte påfører deg sjølv og dine ved å putte dei i vaskebøtta eller ved å puste inn svært helseskadelege aerosoler frå sprayflasker  : enorme mengder kjemisk vaskevatn blir skylt ned i slukar og toalett og ut gjennom avløpsleidningane, og endar opp i naturen der dei forårsakar alvorlege skader og forureinar vatn, hav og jord. I tillegg til å skade plante- og dyrelivet, hentar vi maten vår frå naturen. Skadelege kjemikaliar som vi skyller ut i avløpsleidningane kan dermed til sjuande og sist ende opp på vårt eige middagsbord.

~~~~~

Huset luktar herlig reint etter vask med heimelaga sitron-/eddikvaskemiddel - du trur det ikkje før du har prøvd! :-)

1) Skrell sitroner og putt sitronskrellet i Norgesglas, glasflaske eller annan beholdar du har for hand. 

2) Fyll opp med kvit eddik og skru/lås igjen beholdaren.

3) Sett til "modning" i 2-3 veker. 

4) Klart til bruk!

- For "allround husvask" tømer eg ein skvett av blandinga i vaskebøtta, og fyller opp med vatn. Tidvis løyser eg opp 1 ss fast grønsåpe i vatnet i tillegg. 

 - Til vindu, speglar, flisar: Sil eddikvatn over i sprayflaske, fortynn etter ønskje (eg blandar ca 50/50), og du er bevæpna med effektivt og reint reingjeringsmiddel.

~~~~~~

<3

~~~~~~