Brød: test av surdeigspulver

 Brød

Suksessrata til brødbaksten her i huset tilskriver eg minimalt med gjær, repeterande elting og laaaang hevetid. Lang hevetid betyr ikkje at det er tidkrevande å bake brød og at ein difor må vere heime i timesvis for å passe på; med minimalt med gjær så brukar deiga lang tid på å 'ta seg opp', så der er ingen fare for å finne den igjen på kjøkengolvet om den har fått vore heime åleine dei første timane etter den er sett. Følgjande: Eg setter brøddeiga om morningen før eg reiser på jobb. Når eg kjem heim utpå dagen eltar eg deiga ihop, og repeterer den virksomheita no og då utover ettermiddagen før eg har i form, etterhever og steiker dei om kvelden. Mht "minimalt" med gjær; i gram er det vanskelig å seie kor mykje, men ein 50 grams pakke pressgjær rekker til minimum 10 brødbakstrundar x 3 brød = ca 30 brød.

Eit sunt og lurt alternativ til pressgjær er surdeigsstartar. Eg har dillja med det frå tid til anna, men bakar så ofte at det har gått tomt og då har det teke tid å setje igong med ny runde. Når eg då fekk spørsmål om eg kunne seie noko om det nye surdeigspulveret som har kome i butikkane, så måtte eg til å teste for å sjå om dette kunne vere brukbart alternativ til vanleg surdeigsstartar.

Ihht pakken så skal ein tilsetje 2-3 ts surdeigspulver til den brødoppskrifta ein brukar til vanleg, "for å få eit meir haldbart og smakfullt brød". Der står ikkje noko om det er meininga ein skal utelate gjær. Å kunne utelate gjær er for min del poenget med surdeigsstartar, så eg gjer altså eit erstaningsforsøk med surdeigspulver. 

Veldig i tvil om kor lang hevetid eg måtte påberekne ved å utelate gjær, tilsette eg dei anbefalte 2-3 ts surdeigspulver til mi vanlige brøddeig. I den tek eg utgongspunkt i (sprøytegiftfrie/økologiske ingrediensar, sjølsagt):

- 12 dl kaldt vatn

- ca 1 1/2 kg fint kveitemjøl el speltmjøl (først laus deig der havregryn og evt grove mjølsortar får trekkje til seg væske, deretter sper eg på med mjøl inntil deiga aaaaakkurat såvidt slepper bollen ved kraftig elting med kjøkenmaskina)

- 2 ts himalayasalt

- 7 dl havregryn

- 2 ss eplecidereddik

- 2 dl sesamfrø og ellers det eg har for hånd av andre frø, krydder, kokte poteter, raspa gulrøter, korn, nøtter og sånt.

~~~~

Heving tok tid, for å seie det sånn. Eg sette brøddeiga på morgonkvisten i forgårs, drylte den ihop nokre gongar utover ettermiddagen etter jobb, og lot den stå på kjøkenbenken natta over. I går morgon såg det ut til å vere litt liv i leiren. Eg elta ihop og gikk på jobb igjen. Repetisjon ved heimkomst. På kveldstid i går hadde deiga pr definisjon endå ikkje nådd dei store høgder, men eg fordelte den i dei sedvanlige 3 formene, etterheva ein halvtimes tid og steikte ved 200 grader C i 50-60 minutt.

Resultatet vart veldig godt brød. Og om ikkje fint, så ihvertfall sjarmerandes med sine store krater der det legger seg ekstra rikelig med meierismør og heimelaga leverpostei. Så om brødskuffa ikkje er tom så det hastar med å fylle den, kan dette fint gå an. Om du derimot har knapt med tid, så er det greit å vurdere alternativ. Mulig det går fint med vesentleg kortare hevetid enn mitt første forsøk her, og i alle fall ved å først lage surdeigsstartar av pulveret før du brukar det i gjærbaksten.